Por acordo da Comisión de Goberno de data 6 de agosto de 2001, acordou aprobar inicialmente o proxecto da unidade de execución nº 16 situado no Temple de urbanización, presentado por Avelino López Camba, en representación de Epaat, S.L., e elaborado polo arquitecto Rafael Pier Romero.

O que se fai público, para xeral coñecemento. O expediente sométese á información pública polo prazo dun mes mediante anuncio no Diario Oficial de Galicia e nun dos xornais de maior circulación da provincia, de conformidade co establecido no artigo 44.3º da Lei 1/1997, do solo de Galicia.

Durante o citado prazo poderanse formula-las alegacións que se consideren pertinentes. O expediente poderá ser consultado nas oficinas de urbanismo deste concello.

Cambre, 4 de outubro de 2001.

Antonio Varela Saavedra

Alcalde