A Consellería de Industria e Comercio dictou a Orde do 19 de xaneiro de 2001 pola que se aproban as bases reguladoras para a concesión de axudas para o sector artesanal galego (Diario Oficial de Galicia nº 22, do 31 de xaneiro). O obxectivo desta orde é o fomento e desenvolvemento do sector artesanal na Comunidade Autónoma de Galicia, a través do apoio tanto das unidades productivas como ás asociacións de artesáns.
Na citada disposición establécese como requisito indispensable para o libramento da axuda a presentación, antes do día 31 de outubro de 2001, da documentación acreditativa do investimento realizado.
Tendo en conta que o elevado número de solicitudes presentadas motivaron un longo proceso de avaliación dos proxectos, considérase necesario amplia-lo prazo de execución e xustificación dos investimentos levados a cabo polos solicitantes á
vista da complexidade da materialización das actividades subvencionadas por parte dos beneficiarios.
En consecuencia, en uso das atribucións que me foron concedidas,
DISPOÑO:
Artigo único.-Amplia-lo prazo para a execución e xustificación dos investimentos ou actuacións subvencionables ó amparo da orde da Consellería de Industria e Comercio do 19 de xaneiro de 2001, ata o día 15 de novembro de 2001.
Santiago de Compostela, 28 de setembro de 2001.
Juan Rodríguez Yuste
Conselleiro de Industria e Comercio