Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S. Castiñeiriño-Lamas de Abade.

Situación: Santiago de Compostela.

Descricións técnicas: L.M.T. aérea a 15/20 kV de 300 m de lonxitude, en conductor LA-110, que parte da L.M.T. de Lamas de Abade e se transforma en dobre circuíto no enlace coa L.M.T. San Caetano-Susana ata a L.M.T. Santiago II-Lavacolla e Santiago II-Ponte Ulla. L.M.T. subterránea a 15/20 kV de 1,580 m de lonxitude en conductor R.H.V. de 240 mm Al, que parte da L.M.T.A. Santiago II-Pontepedriña e remate no C.T. Lamas de Abade, no concello de Santiago de Compostela.

Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:

Autorizar e aproba-lo proxecto de execución das devanditas instalacións, das que as características

se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a seis meses, contados a partir da data desta resolución.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente ó seu dereito.

A Coruña, 4 de setembro de 2001.

Jesús Espada Martínez

Delegado provincial da Coruña