Cumpridos os trámites previstos na base VI do proceso selectivo convocado pola orde da Consellería da Presidencia e Administración Pública do 17 de xullo de 2000 (DOG nº 147, do 31 de xullo), para o ingreso no corpo superior de Administración da Xunta de Galicia, grupo A, escala superior de finanzas, procede realiza-lo nomeamento dos aspirantes que superaron a fase de oposición e presentaron en prazo a documentación correspondente, como funcionarios en prácticas.
Por iso esta consellería
RESOLVE:
Primeiro.-Nomear funcionarios en prácticas do corpo superior da Administración da Xunta de Galicia, grupo A, escala superior de finanzas, os seguintes aspirantes que superaron a fase de oposición do proceso selectivo:
Apelidos e nome DNI Puntuación
Promoción interna: Rodríguez Simal, Mª Soledad 35.313.361 61,6
Quenda libre: Roel Alonso, Mª del Sagrario 36.073.479 88,92 Benhamou Gallego, Mª Nathalie 32.790.678 81,36 Villanueva Rodríguez, Ulpiano Leandro 33.287.761 81,3 Chacón Pichel, Almudena 32.825.511 79,98 Corgos López-Prado, Miguel 32.822.280 74,61 Calvo Otero, Mª del Mar 32.766.578 70,1 Brage Díaz, Mª de los Ángeles 32.662.972 69,17 Pérez Martínez, José Antonio 33.317.910 67,09 Cuéllar Barbeito, Eugenia Mercedes 32.791.666 66,67
O nomeamento dos interesados como funcionarios en prácticas terá efectos da data de inicio do curso selectivo que se establece no punto quinto da presente resolución.
Segundo.-Para os efectos do disposto na base I.1.7 da orde de convocatoria establécese a seguinte distribución de prazas por especialidades do curso selectivo:
-Especialidade de inspección financeira e tributaria:
1 praza.
-Especialidade de intervención:
9 prazas.
-Total prazas do curso selectivo:
10 prazas.
Terceiro.-Convócanse os aspirantes relacionados no punto primeiro da presente resolución ó acto público de elección de especialidade do curso selectivo que terá lugar na sala de xuntas da Consellería de Economía e Facenda, nos edificios administrativos de San Caetano, bloque 3, baixo en Santiago de Compostela, ás 11 horas do día 15 de outubro de 2001.
A elección de especialidade polos aspirantes efectuarase conforme a orde establecida pola base I.1.7 da convocatoria.
Cuarto.-O curso selectivo desenvolverase segundo o establecido pola base III da orde de convocatoria.
Quinto.-Igualmente convócanse os aspirantes relacionados no punto primeiro da presente resolución ó acto de inicio do curso selectivo que terá lugar ás 16 horas do día 15 de outubro de 2001 no mesmo lugar indicado no punto terceiro da presente resolución.
Santiago de Compostela, 4 de outubro de 2001.
Jaime Pita Varela
Conselleiro da Presidencia e Administración
Pública