Por decreto do Consello da Xunta de Galicia 219/2001, do 7 de setembro, declarouse a urxente ocupación, para os efectos de expropiación forzosa polo Concello de Santiago de Compostela (A Coruña), dos bens e dereitos necesarios para a realización das obras do proxecto de evacuación de pluviais SUP-4 (colector exterior) e urbanización da rúa de Conxo de Arriba (Concello de Santiago de Compostela).
En cumprimento do disposto no artigo 52.2º da Lei de expropiación forzosa, o Concello de Santiago de Compostela convoca os titulares dos bens e dereitos afectados para que comparezan no lugar, data e hora que se detallan, co fin de redacta-las actas previas á ocupación.
Día 19 de outubro ás 9 horas.
Lugar: local Centro Socio Cultural Aurelio Aguirre. Praza da Igrexa s/n.
Día 19 de outubro de 2001 ás 9 horas: da parcela nº 1 á nº 5.
Día 19 de outubro de 2001 ás 9.15 horas: da parcela nº 6 á nº 10.
Día 19 de outubro de 2001 ás 9.30 horas: da parcela nº 11 á nº 15.
A este acto deberán acudir tódolos titulares dos bens e dereitos afectados, persoalmente ou representados por persoa debidamente autorizada, presentando os documentos acreditativos tanto da súa personalidade (DNI/NIF) como da súa titularidade e o último recibo do imposto de bens inmobles. Poden asistir acompañados, se o consideran oportuno e pola súa conta, dos seus peritos ou dun notario.
A lista de propietarios afectados atópase exposta ó público no taboleiro de edictos do concello.
Santiago de Compostela, 27 de setembro de 2001.
Xosé A. Sánchez Bugallo
Alcalde