A orde desta consellería do 26 de marzo de 2001 regulou o procedemento para o outorgamento das axudas encamiñadas á investigación enerxética do programa apoio á I+D industrial, tecnoloxía industrial do Plan Galego de Investigación e Desenvolvemento Tecnolóxico (PGIDT).

Toda vez que o número de solicitudes presentadas no prazo establecido pola convocatoria non esgota o crédito dispoñible, resulta oportuno outorgar un novo prazo para que as empresas interesadas poidan presenta-las súas solicitudes, no que se refire exclusivamente ós proxectos que poidan incluírse dentro do obxecto do anexo II axudas para a realización de proxectos de investigación e desenvolvemento (I+D) empresarial nas áreas de eficiencia enerxética e enerxías renovables.

Na súa virtude e en uso das atribucións que me foron conferidas,

DISPOÑO:

Artigo 1º.-Nova convocatoria

2. Establécese un novo prazo de presentación de solicitudes de vinte días hábiles contados a partir do día seguinte á publicación desta orde no Diario Oficial de Galicia, que teñan o seu fundamento en actividades subvencionadas ó abeiro da Orde do 26 de marzo de 2001, que se publicou no Diario Oficial de Galicia nº 70, de 9 de abril de 2001, pola que se aproban as bases reguladoras da concesión de axudas correspondentes á investigación enerxética do programa apoio á I+D industrial, tecnoloxía industrial do Plan Galego de Investigación e Desenvolvemento Tecnolóxico (PGIDT) en réxime de concorrencia competitiva, e se procede á súa convocatoria para o ano 2001.

Artigo 2º.-Obxecto e regulación das subvencións.

1. As subvencións reguladas nesta orde teñen por obxecto o investimento dirixido a axudas encamiñadas á investigación enerxética do programa apoio á I+D industrial, tecnoloxía industrial do Plan Galego de Investigación e Desenvolvemento Tecnolóxico (PGIDT), referíndose en exclusiva ás axudas do anexo II para a realización de proxectos de investigación e desenvolvemento (I+D) empresarial nas áreas de eficiencia enerxética e enerxías renovables.

2. No referente ós beneficiarios, criterios de adxudicación, contía das subvencións e demais disposicións reguladoras quedan establecidas pola citada Orde do 26 de marzo de 2001.

3. O prazo máximo para dictar e notificarlles ós interesados a resolución expresa será de dous meses, contados desde a publicación desta orde. Ó vencemento do citado prazo sen que se notifique a resolución expresa, entenderase desestimada a solicitude por silencio administrativo.

Artigo 3º.-Financiamento.

As novas solicitudes atendidas imputaranse á aplicación orzamentaria cos límites que se indican a continuación:

Aplicación: 08.02.432-A.770.2.

Denominación: I+D Enerxía.

Ano 2001: 61.857.520 pesetas.

Año 2002: 53.326.500 pesetas.

Año 2003: 30.000.000 de pesetas.

Disposición derradeira

Única.-Facúltase o secretario xeral de Investigación e Desenvolvemento e o director xeral de Industria para que dicten as disposicións necesarias para a aplicación do disposto nesta orde. A Secretaría Xeral de Investigación e Desenvolvemento e a Dirección Xeral de Industria resolverán tódalas dúbidas e incidencias que poidan xurdir na aplicación desta convocatoria.

Santiago de Compostela, 1 de outubro de 2001.

Jaime Pita Varela Juan Rodríguez Yuste

Conselleiro da Presidencia Conselleiro de Industria

e Administración Pública e Comercio