Tendo en conta, en primeiro lugar, polo que respecta á posta en funcionamento dun establecemento de cultivos mariños, o establecido na Lei 6/1993, do 11 de maio, de pesca de Galicia, no Decreto 193/1997, do 5 de xuño, polo que se determinan as condicións para o outorgamento do permiso de actividade para os establecementos de cultivos mariños e auxiliares situados na zona terrestre; e polo que respecta ó estudio de efectos ambientais o disposto no Decreto 327/1991, de avaliación de efectos ambientais para Galicia, sométense a información pública a petición de permiso de actividade e o estudio de efectos ambientais do establecemento que se describe:
-Tipo: criadoiro.
-Nome: Alrogal, S.A.
-Actividade: producción de crías.
-Especies: rodaballo (Psetta maxima).
-Localización: polígono industrial de Cuíña-Cervo (Lugo).
-Solicitante: Alrogal, S.A. (CIF: 36883239-A).
O expediente estará á disposición do público co fin de que calquera persoa física ou xurídica poida examinalo, nos días e horas habituais de oficina, e achega-las alegacións e informacións que coide oportunas nos lugares que se detallan a continuación:
1. Proxecto de posta en funcionamento do establecemento:
Servicio de Acuicultura.
Dirección Xeral de Recursos Mariños.
Consellería de Pesca, Marisqueo e Acuicultura.
Rúa do Valiño 63-65 baixo.
15781 Santiago de Compostela (A Coruña).
2. Estudio de efectos ambientais:
a) Servicio de Acuicultura.
Dirección Xeral de Recursos Mariños.
Consellería de Pesca, Marisqueo e Acuicultura.
Rúa do Valiño 63-65 baixo.
15781 Santiago de Compostela (A Coruña).
b) Dirección Xeral de Calidade e Avaliación Ambiental.
r/ Os Feáns, 1-3.
15706 Santiago de Compostela.
c) Delegación provincial da Consellería de Medio Ambiente.
Edificio administrativo servicios múltiples.
Praza Luís Seoane s/n.
15008 A Coruña.
d) Concello de Cervo.
Praza do Concello, s/n.
27891 Cervo (Lugo).
Prazo de exposición: vinte (20) días hábiles contados a partir do seguinte a aquel no que teña lugar a publicación deste anuncio no Diario Oficial de Galicia.
Prazo para formular alegacións: vinte (20) días hábiles contados a partir do seguinte a aquel no que teña lugar a publicación deste anuncio no Diario Oficial de Galicia.
Santiago de Compostela, 26 de setembro de 2001.
P.A. (Orde 4-8-1999)
Juan M. Rodríguez Rodríguez
Subdirector xeral de Marisqueo e Acuicultura