O artigo 28 do vixente Estatuto de autonomía de Galicia establece no seu punto 2º a competencia da Comunidade Autónoma galega no desenvolvemento lexislativo e a execución da lexislación do Estado en materia de expropiación forzosa.

Con data do 22 de febreiro de 2001, o Concello de Carnota aprobou o correspondente proxecto das obras de saneamento integral de Carnota (fase II).

Por Decreto 170/2001, do 20 de xuño, declárase a utilidade pública das mencionadas obras, e así mesmo, urxente a ocupación dos bens afectados por estas para efectos do prevido no artigo 52 da vixente Lei de expropiación forzosa.

Na súa virtude e en cumprimento do disposto nos artigos 52 da vixente Lei de expropiación forzosa do 16 de decembro de 1954 e 56 e seguintes do Regulamento para a súa aplicación este concello, en uso das súas facultades que lle confire o artigo 98 da mencionada lei, resolveu convoca-los titulares de bens e dereitos afectados que figuran na relación exposta no taboleiro de anuncios do Concello de Carnota para que comparezan no lugar, data e hora que se cita para proceder ó levantamento das actas previas á ocupación nas que se recollerán os datos necesarios para determina-los dereitos afectados, o valor destes e os prexuízos determinantes da rápida ocupación, sen prexuízo de se trasladaren ó lugar dos predios se o consideran necesario.

Concello: Carnota.

Local: Casa do Concello de Carnota.

Días:

-24 de setembro de 2001, de Alvela Goyanes, Josefa a Cambeiro Tajes, Antonio.

-25 de setembro de 2001, de Carpintero Siaba, Manuel a Gómez Maceiras, Maribel.

-26 de setembro de 2001, de González Beiro, Manuela a Maceiras Lago, María.

-27 de setembro de 2001, de Maceiras Senande, Dolores a Rama Leis, María.

-28 de setembro de 2001, de Rama Maceiras, José a veciños de Lira.

De 9.30 a 13 horas.

Ó dito acto deberán acudir-los titulares afectados persoalmente ou ben representados pola persoa debidamente autorizada para actuar no seu nome, achegando os documentos acreditativos da súa titularidade, documento nacional de identidade e o último recibo da contribución podendo facerse acompañar, pola súa conta, se o estiman oportuno dos seus peritos e notarios.

Así mesmo e en cumprimento do establecido no artigo 56 do Regulamento da Lei de expropiación forzosa ábrese información pública durante un prazo de 15 días naturais, contados a partir do seguinte ó da publicación desta resolución no BOE e ata o momento do levantamento da acta previa á ocupación correspondente, co fin de que os interesados poidan formular por escrito, ante este concello, as alegacións que estimen pertinentes con obxecto de emendar posibles erros padecidos ó relaciona-los bens afectados pola presente ocupación.

Carnota, 14 de agosto de 2001.

O alcalde

Rubricado