En virtude do convenio do 18 de maio de 2001 entre o Instituto Galego da Vivenda e Solo e a sociedade Xestión Urbanística de Ourense, S.A. (Xestur-Ourense), para a xestión do alleamento de parcelas propiedade do dito organismo no polígono industrial de Pazos en Verín, na provincia de Ourense, infórmase de que:

Obxecto: concurso público para o alleamento das parcelas que se especifican no anexo, propiedade do Instituto Galego da Vivenda e Solo, no polígono industrial de Pazos en Verín, na provincia de Ourense.

Termo municipal: Verín.

Destinatarios: poderá concorrer calquera persoa física ou xurídica que realice actividades mercantís, comprendidas as comerciais, industriais, servicios, etc.

Prego de bases: o prego de bases que rexerá o concurso poderá examinarse en Xestur-Ourense, rúa Curros Enríquez número 1, planta 8ª, en Ourense, durante o prazo de presentación de proposicións.

Presentación de proposicións: as ofertas presentaranse en man e en sobre pechado, coa documentación esixida no prego de bases, nas oficinas de Xestur-Ourense, rúa Curros Enríquez número 1, planta 8ª, en Ourense, en días hábiles excepto sábados, das 10 ás 14 horas.

O prazo de presentación de proposicións será de 15 días hábiles a partir do seguinte ó da publicación deste anuncio no DOG.

Apertura de proposicións: a apertura das ofertas presentadas realizarase ás 12 horas do día seguinte hábil ó de finalización do prazo de presentación das proposicións.

Prezos: os prezos que se establecen no anexo teñen o carácter de prezos mínimos, de maneira que non se adxudicará ningunha parcela por un prezo inferior.

O prezo de alleamento realizarase en concepto de corpo certo, polo que non caberá reclamación ningunha pola diferencia de superficie.

Ourense, 13 de setembro de 2001.

Juan Carlos Cabanelas Rodríguez

Xerente de Xestión Urbanística de Ourense, S.A.

ANEXO