Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: recuamento L.M.T. en Real Piñerio.
Situación: Santiago de Compostela.
Descricións técnicas: recuamento L.M.T.A a subterránea no lugar Real Piñeiro da L.M.T. a C.T. Santa Lucía a 12/20 kV de 220 m de lonxitude con conductor R.H.V. de 240 m/m e reforma do C.T.A. caseta. Concello de Santiago de Compostela.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 10 de agosto de 2001.
Manuel Estévez Mengotti
Delegado provincial da Coruña en funcións