Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: variante L.A.T. 66 kV Sabón entre os apoios 3 e 5.
Situación: A Coruña.
Descricións técnicas: modificación da instalación eléctrica existente denominada L.A.T. 66 kV A Grela-Sabón consistente en: varia-la traza existente entre os apoios números 2 e 6, implantando os novos apoios números 3 bis, 4 bis e 5 bis, instalando torres metálicas de celosía e conductor LA-180, de 667 metros de lonxitude. Instálase tamén cable de terra/fibra óptica tipo OPGW de 24 fibras para comunicacións, no concello da Coruña.
Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.
As instalacións executaranse nun prazo non superior a seis meses, contados a partir da data desta resolución.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
A Coruña, 9 de agosto de 2001.
Manuel Estévez Mengotti
Delegado provincial da Coruña en funcións