Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: S. Díez 45, 32003 Ourense.

Denominación: L.M.T.S, C.T., Francisco de Moure.

Situación: Ourense.

Descricións técnicas: liña a 20 kV soterrada de 260 m en conductor R.H.Z. 12/20, derivada desde a cela de liña do C.T. Caridad e remata na L.M.T. sot. ó C.T. estadio 1 despois de subministra-lo C.T. proxectado na planta baixa de edificio, con 400 kVA, R/T 20.000/380-220 V, na r/ Francisco Moure.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

Ourense, 3 de agosto de 2001.

Gabriel Diéguez Domínguez

Delegado provincial de Ourense en funcións