Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa Distribución, S.A.
Domicilio social: S. Díez 45, 32003 Ourense.
Denominación: L.M.T., centro de distribución Vidriera.
Situación: Xinzo de Limia.
Descricións técnicas: liña a 20 kV soterrada, en conductor R.H.Z. 12/20 kV de 985 m de lonxitude, con orixe na L.M.T.S ó C.T.1 parque empresarial e remata na L.M.T.S ó C.T.2 parque empresarial, que entronca coa L.M.T. aérea subestación Xinzo-subestación Allariz. A L.M.T. soterrada subministra o centro de distribución da empresa Vidriera del Atlántico, S.A. no parque empresarial de Xinzo.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
Ourense, 3 de agosto de 2001.
Gabriel Diéguez Domínguez
Delegado provincial de Ourense en funcións