O consello da xerencia municipal de urbanismo, en sesión do 26 de abril de 2001, adoptou entre outros, o seguinte acordo:

«Primeiro.-Aprobar inicialmente o proxecto de estatutos e bases de actuación da xunta de compensación da área de actuación integrada nº 2 do Plan especial de mellora do núcleo 06-03-Porto-Loureiro (Castrelos), presentado en data 13-2-2001 polo representante da comisión xestora do dito polígono, coas correccións que se conteñen na parte expositiva do presente acordo (expediente 4275/411).

Segundo.-Somete-lo presente acordo ó trámite de información pública polo prazo de vinte días, mediante publicación no Diario Oficial de Galicia e no taboleiro de anuncios do concello do texto dos referidos estatutos e bases de actuación, coas correccións antes sinaladas, así como notificación individualizada ós propietarios integrados no polígono e demais afectados, na forma legalmente prevista».

Sométese o expediente ó trámite de información pública polo prazo de vinte días mediante inserción de anuncios no DOG segundo establece o artigo 133.4º da Lei 1/1997, do 24 de marzo, do solo de Galicia en relación co artigo 102 da mesma lei; e no BOP (artigo 161.3º do RXU), con inserción neste último do proxecto de estatutos.

O prazo de información pública entenderase aberto desde o día seguinte á publicación do primeiro anuncio, ata transcorridos vinte días desde o día seguinte á publicación do derradeiro anuncio, para que presenten documentación ou alegación que estimen pertinente. O expediente atópase á disposición do público en xeral na oficina de Información Urbanística da Xerencia Municipal de Urbanismo (planta baixa do edificio da xerencia).

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.

Vigo, 15 de maio de 2001.

Lois Pérez Castrillo

Alcalde-presidente da Xerencia

Municipal de Urbanismo