1. Obxecto do contrato.
O obxecto do contrato é o asesoramento técnico e apoio para o levantamento das dilixencias previas de constancia de feitos no imposto sobre actividades económicas.
2. Procedemento de contratación.
O procedemento de contratación será o de concurso aberto (segundo o prevido nos artigos 73, 74 e 208 da LCAP), trámite de urxencia.
3. Presentación de proposicións.
As persoas ou empresas interesadas formularán por escrito as súas proposicións e entregaranas con anterioridade ó termo do prazo de oito días naturais computados desde o seguinte ó da derradeira publicación do corrrespondente anuncio de licitación no BOP ou DOG, no rexistro xeral do Concello de Mos, calquera día hábil de 9.30 a 13.30 horas; se o último día do prazo coincide en sábado ou inhábil o prazo prorrogarase ata o primeiro día hábil seguinte.
A proposición constará de dous sobres distintos que se identificarán segundo o seguinte literal:
Sobre A: documentación para contratación de asistencia técnica na inspección do imposto sobre actividades económicas, do Concello de Mos polo sistema de procedemento aberto por concurso.
Sobre B: proposición para a contratación de asistencia técnica na inspección do imposto sobre actividades económicas do Concello de Mos, polo sistema de procedemento aberto por concurso.
4. Criterios de valoración.
A adxudicación do contrato realizarase sobre a base dos criterios que a continuación se detallan.
-Memoria explicativa do plan de inspección: ata 10 puntos.
Deberase describir pormenorizadamente unha memoria ou plan de inspección, o persoal dedicado ó labor inspector, os medios e organización, así como as melloras que se ofrezan sobre o obxecto do contrato.
-Experiencia do persoal (que vaia realiza-la comprobación e inspección tributaria do IAE) en servicios de asistencia técnica, en labores inspectores efectivos: ata 7 puntos a criterio da mesa de contratación.
-Prezo: ata 6 puntos en función da oferta económica realizada.
-Traballos realizados pola persoa física ou xurídica en servicios de asesoramento técnico na inspección e comprobación do IAE no ámbito da provincia de Pontevedra: ata 5 puntos.
-Formación académica do persoal asignado ó labor inspector: sumaranse tódolos puntos e dividirase polo número de persoas dedicadas á inspección sendo o resultado deste a puntuación correspondente. A formación do persoal valorarase:
-Titulado superior: 6 puntos.
-Diplomado: 4 puntos.
-Administrativo ou FP: 2 puntos.
(Ata 4 puntos como máximo)
-Libros e publicacións relacionados co obxecto do contrato realizados polo persoal efectivamente dedicado á inspección: ata 3 puntos, a mesa de contratación valorará discrecionalmente ante as publicacións que se presenten.
-Menor prazo para o comezo da execución do obxecto do contrato: ata 2 puntos.
5. Garantía definitiva.
O adxudicatario deberá acreditar, no prazo máximo de quince días hábiles contados dende a notificación da adxudicación do contrato, a constitución na caixa deste concello dunha garantía definitiva por importe dun millón (1.000.000) de pesetas, preferentemente en metálico ou, se é o caso, en calquera das formas admitidas no artigo 36 da LCAP.
6. Prezo e forma de pagamento.
Os licitadores formularán oferta económica (á baixa) de prezo pola execución deste traballo de acordo co establecido nos artigos 85 a) e 202.2º da LCAP, o prezo citado consistirá nunha porcentaxe nun superior ó 25 por 100 (IVE incluído) do importe das contías netas efectivas e definitivamente recadadas polo ORAL en entregadas ó Concello de Mos por cada liquidación tributaria derivada dos expedientes de inspección do IAE.
O importe farase efectivo no prazo de dous meses contados desde o seguinte ó da entrada na tesorería municipal do recadado polo ORAL e correspondente ós traballos de inspección.
O prezo do contrato será o que resulte da súa adxudicación, sen que sexa de aplicación ningunha fórmula de revisión deste.
7. Outra información.
Para maior información dirixirse ó Servicio de Intervención do Concello de Mos.
Mos, 6 de agosto de 2001.
Ramón Alonso Fernández
Alcalde