O Consello da Xerencia Municipal de Urbanismo, en sesión do día 10 de maio de 2001, adoptou, entre outros, o seguinte acordo:
Primeiro.-Aprobar definitivamente o proxecto de urbanización da UE IV-13, Ramón Nieto, 7 redactado pola arquitecta Alba Rodríguez Álvarez, con planos visados polo COAG no 6-3-2001, 20-7-2001, 12-6-2000 e 31-3-2000 (expediente 4216/401).
Segundo.-A conservación da vía peonil interior e dos espacios libres e zonas verdes cedidos en pleno dominio ó concello no devandito polígono (840 m) será por conta dos propietarios das parcelas integrados nunha entidade urbanística de conservación que deberá constituírse ó tempo da recepción das obras de urbanización. Esta condición farase constar expresamente nas licencias de edificación que se concedan no ámbito de referencia.
Terceiro.-Antes do inicio das obras e como condición suspensiva dos efectos do presente acordo de aprobación definitiva, o interesado deberá presentar un aval polo 100% do orzamento das obras, que ascende a 13.660.999 pesetas, como garantía da súa execución.
Cuarto.-No momento inmediatamente anterior ó inicio das obras, efectuarase un replanteo destas en coordinación cos técnicos do Departamento de Vías e Obras do concello. Tamén debe comunicarse o inicio e finalización das obras ó departamento municipal de servicios electromecánicos, para a comprobación da rede de iluminación pública.
Quinto.-Publica-lo presente acordo no BOP e no DOG, con notificación individualizada ós interesados, na forma legalmente prevista.
Contra o devandito acordo, que pon fin á vía administrativa, poderá interpoñe-los seguintes recursos:
a) Potestativo de reposición ante o Consello da Xerencia Municipal de Urbanismo de Vigo no prazo dun mes a partir do día seguinte ó da publicación do presente anuncio.
b) Contencioso-administrativo ante o Tribunal Superior de Xustiza de Galicia, no prazo de dous meses contado desde o día seguinte ó da publicación deste anuncio.
Nembargantes, interposto o recurso de reposición, non poderá interpoñerse recurso contencioso-administrativo ata que sexa resolto expresamente o primeiro ou se produza a súa desestimación presunta por transcurso do prazo máximo dun mes para dictar e notifica-la resolución.
c) Calquera outro recurso que se estime oportuno e sexa procedente interpoñer.
De conformidade co artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente anuncio notifícase o acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.
Vigo, 23 de maio de 2001.
Lois Pérez Castrillo
Alcalde-presidente da Xerencia Municipal
de Urbanismo