Resolución do Concello de Ramirás pola que se anuncia a contratación da obra de acondicionamento de edificio para residencia da 3ª idade Mosteiro, Ramirás, 3ª fase, por procedemento aberto e concurso.

De conformidade co disposto no artigo 79 da LCAP, anúnciase concurso, polo procedemento aberto, para adxudica-la obra seguinte:

1. Obxecto do contrato: obra de acondicionamento de edificio para residencia da 3ª idade en Mosteiro, Ramirás, 3ª fase, segundo proxecto dos arquitectos Alberto de Paula Prieto e Aurelio Outeiriño Fernández, aprobado pola Comisión de Goberno do 9 de agosto de 2001.

2. Duración do contrato: oito meses.

3. Tipo de licitación: 15.916.000 pesetas.

4. Pagamento: o pagamento do prezo de adxudicación farase efectivo con cargo á partida do orzamento vixente.

5. Publicidade dos pregos: estarán de manifesto tódolos días hábiles nas oficinas municipais.

6. Garantía provisional: será do 2% do tipo de licitación, equivalente a 318.320 pesetas.

7. Exposición do prego de cláusulas administrativas particulares: durante os oito primeiros días hábiles seguintes á publicación deste anuncio, suspendéndose a licitación en caso de impugnación.

8. Garantía definitiva: o 4% do orzamento de adxudicación.

9. Presentación de proposicións: ata as trece horas do décimo terceiro día hábil natural seguinte contado desde a última das datas de publicación do anuncio no BOP de Ourense ou ben no Diario Oficial de Galicia.

10. Apertura de proposicións: ás dezasete horas do segundo día hábil (agás sábado) seguinte a aquel no que remate o prazo para a presentación de proposicións, en acto público, no salón de sesións da casa do concello.

11. Modelo de proposición: o recollido na cláusula 17 do prego.

Ramirás, 9 de agosto de 2001.

Pilar López García

Alcaldesa