Resolución do Concello de Portomarín pola que se anuncia a contratación da obra de proxecto de accesos os núcleos de poboación de Fontegrande, Narón e Lamas Maiores, por procedemento aberto, trámite de urxencia e forma de adxudicación concurso. De conformidade co disposto no artigo 79 da LCAP anúnciase o concurso, por procedemento aberto para adxudica-la obra de proxecto de accesos ós núcleos de poboación de Fontegrande, Narón e Lamas Maiores, conforme o seguinte contido:

1. Obxecto do contrato: é obxecto do presente contrato a realización, por procedemento aberto mediante a forma de concurso, de acordo co proxecto técnico e o seu desagregamento, redactado pola enxeñeira técnica agrícola Aurora Miñano García, e aprobado pola Comisión de Goberno deste concello en data 13 de agosto de 2001.

O referido proxecto mailos pregos de cláusulas e prescricións técnicas, cos documentos que respectivamente se integren, formará parte do contrato de adxudicación da obra, que no seu día se outorgue.

2. Duración do contrato: tres meses, a contar desde a formalización da acta de comprobación do replanteo.

3. Tipo de licitación: 15.219.154 pesetas, no que se inclúen o beneficio industrial, os gastos xerais, fiscais, a dirección da obra e o IVE.

4. Pagamento: os pagamentos faranse efectivos trala presentación das certificacións de obra e unha vez que se reciban os fondos correspondentes.

5. Publicidade dos pregos: estarán de manifesto tódolos días hábiles nas oficinas municipais, departamento de contratación.

6. Garantía provisional: será do 2% do tipo de licitación.

7. Exposición do prego de cláusulas administrativas particulares: durante os oito primeiros días hábiles seguintes ós da publicación deste anuncio, suspendéndose a licitación no caso de impugnación.

8. Garantía definitiva: 4% do orzamento da adxudicación.

9. Presentación de proposicións: durante os trece días naturais seguintes ós da publicación do anuncio de licitación (BOP e DOG).

10. Apertura de proposicións: ás doce horas do terceiro día hábil seguinte ó da conclusión do prazo para presentación de proposicións.

11. Modelo de proposición: o recollido na cláusula 24 do prego de cláusulas.

Portomarín, 31 de agosto de 2001.

Eloy Rodríguez López

Alcalde