O Pleno do Concello de Vigo, en sesión do día 28 de xuño de 2001, adoptou o seguinte acordo:

Primeiro.-Aprobar definitivamente o estudio de detalle da r/ Sanjurjo Badía nº 1-3º, segundo proxecto presentado pola entidade mercantil Promociones Inmobiliarias Cysalva, S.L. e redactado pola arquitecta Mercedes Muñoz Jaureguialzo, con planos visados polo COAG no 12 de septiembre de 2000 (expediente 5153/411).

Segundo.-Notifíqueselles este acordo á entidade promotora do estudio de detalle e demais interesados, nos termos previstos nos artigos 58 e 59 da Lei 30/1992, do 26 de novembro. Publíquese no BOP e no DOG, con cumprimento dos trámites regulados no artigo 48 da Lei 1/1997, do 24 de marzo (LSG).

Contra o devandito acordo, que pon fin á vía administrativa, poderá interpoñerse recurso contencioso-administrativo no prazo de dous meses contados desde o día seguinte ó da publicación deste anuncio.

Así mesmo, este anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común para todos aqueles propietarios que sexan descoñecidos, dos que se ignore o lugar de notificación ou, intentada esta, non se puidese practicar.

Vigo, 23 de xullo de 2001.

Lois Pérez Castrillo

Alcalde-presidente da Xerencia Municipal de Urbanismo