Na asemblea xeral de Caixa Rural de Lugo, realizada en segunda convocatoria o 23 de xuño de 2001, entre outros, adoptouse o acordo, por unanimidade, de modifica-la denominación da entidade, e adopta-la de Caixa Rural Galega e, conseguintemente, a modificación dos artigos 1 e 2 dos estatutos sociais, que quedarán nos seguintes termos:

Artigo 1º.-Denominación. Réxime xurídico.

A Caixa Rural de Lugo, Sociedade Cooperativa de Crédito Limitada, inscrita no Rexistro de Cooperativas do Ministerio de Traballo e Asuntos Sociais co número 523/SºMT, no Rexistro de Cooperativas da Consellería de Xustiza, Interior e Relacións Laborais da Xunta de Galicia, co número 68-SCT, no Rexistro Mercantil nº 1 de Lugo, tomo 177, folio 92 e folla LU-1651, e no rexistro do Banco de España co número 30 da sección C), por acordo da súa asemblea xeral, que tivo lugar o día 23 de xuño de 2001, indica a súa denominación social, adoptando a nova de Caixa Rural Galega, Sociedade Cooperativa de Crédito Limitada.

Rexerase polo disposto nestes estatutos e, no non previsto neles, polo regulado na Lei 13/1989, do 26 de maio, de cooperativas de crédito, as súas normas de desenvolvemento, polas disposicións dictadas pola Comunidade Autónoma de Galicia no exercicio das súas competencias e polas que, con carácter xeral, regulan a actividade nas entidades de crédito, así como polas disposicións que fosen de aplicación.

Con carácter supletorio, seralle de aplicación a lexislación de cooperativas.

Artigo 2º.-Personalidade xurídica.

A Caixa Rural Galega goza de personalidade xurídica e de plena capacidade de obrar.

Lugo, 27 de xullo de 2001.

O director xeral

Rubricado