O Consello da Xerencia Municipal de Urbanismo, en sesión do día 12 de xullo de 2001, acordou:

Primeiro.-Aprobar inicialmente o proxecto de urbanización do polígono U.E. IV-10-Ramón Nieto 4, redactado polo arquitecto Javier Martínez Díez e visado polo COAG en 22-6-2001 e 4-5-2001 (expediente 4286/401).

Segundo.-Sométese o presente expediente ó trámite de información pública polo prazo dun mes, mediante a publicación de anuncios no DOG e nun xornal dos de maior circulación da provincia, así como mediante notificación individualizada ós propietarios incluídos no ámbito do proxecto de urbanización.

Sométese o presente expediente ó trámite de información pública polo prazo dun mes, a través de publicación no DOG e nun dos xornais de maior circulación da provincia e no taboleiro de anuncios da Xerencia Municipal de Urbanismo, segundo o establecido no artigo 42.1º, significando que o prazo de exposición pública se entenderá aberto desde a primeira publicación ata o remate do mes contado desde o último anuncio.

A documentación do presente expediente atópase a dispor do público en xeral na oficina de información urbanística, na planta baixa da xerencia.

O presente anuncio servirá de notificación, nos termos establecidos no artigo 59.4º da Lei 30/1992, de 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos aqueles propietarios ou interesados directamente afectados que por resultar descoñecido ou ignorado o seu enderezo non poidan ser notificados persoalmente.

Vigo, 31 de agosto de 2001.

Lois Pérez Castrillo

Alcalde-presidente da Xerencia Municipal

de Urbanismo