De conformidade co previsto no acordo do 5 de abril de 2001 (DOG nº 77, do 20 de abril), da dirección da escola, polo que se anuncia a convocatoria do proceso selectivo para a cobertura por personal laboral fixo de 11 prazas de persoal de servicios xerais (PSX), na FEGAS, a comisión de selección
ACORDA:
Primeiro.-Facer público o acordo da comisión de selección cualificadora polo que se concreta a folla de cálculo e procesador de textos sobre os que desenvolverá a proba informática que, como segunda proba eliminatoria do proceso selectivo, se prevé no punto A.2. da base sexta da convocatoria.
Segundo.-A dita proba eliminatoria consistirá nun exercicio en ordenador persoal, no que o aspirante resolverá as cuestións propostas pola comisión de selección coas seguintes ferramentas, tal como se establece na convocatoria:
Procesador de textos: Microsoft Word 2000.
Folla de cálculo: Microsoft Excel 2000.
O exercicio poderá esixir-la utilización do procesador de textos, folla de cálculo ou o conxunto de ambos.
Santiago de Compostela, 4 de setembro de 2001.
Javier Bouzada Romero
Presidente da comisión de selección