O Consello da Xerencia Municipal de Urbanismo, en sesión do 5 de xullo de 2001, adoptou, entre outros, o seguinte acordo:

«Primeiro.-Aprobar inicialmente o proxecto de urbanización do ámbito do Plan parcial Cambeses redactado polo arquitecto Juan Ángel Visier Gil e visado polo COAG en datas 26-6-2001, 4-5-2001 e 27-12-2000, cun orzamento de execución material de 271.366.858 pesetas (exp. 4269/401).

Segundo.-Somete-lo presente expediente ó trámite de información pública polo prazo dun mes mediante publicación de anuncios no DOG e nun xornal dos de maior circulación da provincia, así como mediante notificación individualizada ós propietarios incluídos no ámbito do proxecto de urbanización».

Procédese ó trámite de información pública do expediente. O prazo entenderase aberto desde a primeira publicación ata o remate do mes, contado desde o día seguinte da derradeira publicación. O expediente está ó dispor do público no Departamento de Información Urbanística da Xerencia de Urbanismo (planta baixa do edificio da Xerencia).

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu domicilio non poidan ser notificados.

Vigo, 23 de xullo de 2001.

Lois Pérez Castrillo

Alcalde-presidente da Xerencia Municipal

de Urbanismo