A Comisión de Goberno do Concello de Santiago de Compostela, na sesión que tivo lugar o día 2 de xullo de 2001, aprobou inicialmente a delimitación da unidade de actuación número 3 (UA-3) da avenida de Vilagarcía, promovida polos servicios técnicos municipais, elixindo como sistema de actuación o de cooperación.

O ámbito de actuación está situado na beira oeste da avenida de Vilagarcía, no tramo comprendido entre o edificio número 24 da citada avenida e solo urbanizable de Romero Donallo (SUP-1).

En cumprimento do que dispón o artigo 121 da Lei 1/1997, do solo de Galicia (LSG), o expediente sométese a información pública durante o prazo de vinte días, contados a partir do día seguinte ó da publicación deste anuncio no Diario Oficial de Galicia e nun periódico de circulación na provincia. Durante este prazo, os interesados poderán consulta-lo expediente na sección de Planeamento e Xestión e formular por escrito as alegacións que xulguen oportunas.

Este anuncio servirá de edicto de notificación, de acordo co previsto no artigo 59.4º da Lei 30/1992, de réxime xurídico das administracións públicas e do procedemento administrativo común, a todos aqueles que, por seren descoñecidos ou ignorarse o seu paradoiro, non poidan ser notificados persoalmente, e que de seguido se relacionan.

Santiago de Compostela, 23 de agosto de 2001.

Luís Toxo Ramallo

Concelleiro delegado de Urbanismo