Perante este Xurado Provincial de Montes Veciñais en Man Común, tramítase o expediente de clasificación do monte coas características que a seguir se indican:
-Expediente número: 3/2001.
Denominación: monte do Cambeiro.
Comunidade propietaria: veciños da parroquia de Sanfiz de Bergazo.
Concello: O Corgo.
Superficie: 15 hectáreas.
Estremas:
Norte: rego de Refideiros, que divide coa parroquia de Pedrafita. Leste: camiño e predios particulares. Sur: autovía A-6, camiño e predios particulares dos veciños de Bergazo. Oeste: autovía A-6 e predios particulares da parroquia de San Cristovo de Chamoso.
En virtude do acordado polo xurado na sesión que tivo lugar o día 28 de marzo de 2001 e, en cumprimento da orde do instructor, conforme o disposto na Lei de montes veciñais en man común do 10 de outubro de 1989 e demais disposicións de aplicación, por este edicto faise pública a iniciación
para a posible clasificación do expediente indicado co obxecto de que, de acordo co previsto no artigo 23 do regulamento aprobado polo Decreto 260/1992, do 4 de setembro, para a execución da citada lei, cantas persoas, organismos e corporacións resulten interesadas, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.
Lugo, 23 de xullo de 2001.
Luis González Vázquez
Presidente do Xurado Provincial de Montes
Veciñais en Man Común de Lugo