1. Autorización administrativa.
Para os efectos previstos no artigo 9 do Decreto 2617/1966, do 20 de outubro, de autorización de instalacións eléctricas, sométese a información pública a petición de autorización administrativa e aprobación do proxecto de execución para o trazado das liñas eléctricas a que se fai referencia, que contan coas características técnicas que se din a continuación:
Peticionario: Unión Fenosa Distribución, S.A.
Finalidade: mellora-la calidade da subministración eléctrica.
Descricións técnicas principais:
1. Liña de media tensión aérea con orixe na L.M.T. a C.T. de Arxona e remate no C.T. de Ponte dos Carros de 471 m de lonxitude a 20 kV sobre apoios de formigón en conductor LA-56.
2. Centro de transformación aéreo de intemperie de Ponte dos Carros de 50 kVA de potencia e relación de transformación 20.000/380-220 V.
3. Rede de baixa tensión aérea de Ponte dos Carros de 700 m de lonxitude a 380/220 V sobre apoios de formigón e madeira en conductor R.Z.
2. Urxente ocupación.
O beneficiario, ó abeiro do título IX da Lei 54/1997, do 27 de novembro, do sector eléctrico solicita, así mesmo, a declaración de utilidade pública das instalacións incluidas neste proxecto, que, segundo o sinalado no artigo 54 da devandita lei, levará implícito, en todo caso, a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei de expropiación forzosa. Polo tanto, a presente resolución de información pública, na que se relacionan tódolos bens e dereitos afectados pola urxente ocupación, realízase tamén para os efectos previstos no citado título IX da Lei 54/1997 e, no que non se opoñan a ela, nos artigos 10, 16 e 31.5º do Decreto 2619/1966, do 20 de outubro, polo que se aproba o regulamento da Lei sobre expropiación forzosa e sancións en materia de instalacións eléctricas.
3. Alegacións.
O que se fai público para que poida examinarse o proxecto e os seus anexos de instalacións nesta delegación provincial (edificio administrativo, Ronda da Muralla, 70, de Lugo), e formula-las reclamacións, por duplicado, que se consideren oportunas durante o prazo de trinta días. Igualmente, os inte
resados poderán formular, se é o caso, e no mesmo prazo, alegacións por escrito que farán en relación co disposto nos artigos 25 e 26 do Decreto 2619/1966, podendo corrixi-los erros que se encontren ó relaciona-los bens afectados ata o mesmo momento do levantamento das actas previas.
Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas
e do procedemento administrativo común, cando os titulares dos predios propostos sexan descoñecidos ou se ignore o lugar de notificación, e así dirixirlle ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.
Lugo, 9 de xullo de 2001.
Jesús Bendaña Suárez
Delegado provincial de Lugo
Relación de propietarios, bens e dereitos afectados
Expediente: 40/1999Provincia: Lugo
L.M.T.-C.T.-R.B.T. en Ponte dos CarrosTermo municipal: Monterroso
PREDIOS PROPIETARIOS AFECCIÓN
Apoio Voo
Nº Paraxe Cultivo Nome e apelidos Enderezo nº apoio m ml m
Monterroso
27560 Monterroso2 Cairedo Monte alto Ramona Ulloa Pacín O Fental, Sete Igrexas
1,2 2 62 1.027
5 Penamar Monte alto José Vázquez Albor Avda. de Lugo, 88-2 esq.
3 2 32 512