En sesión ordinaria celebrada o día 23 de agosto de 2001, o tribunal nº 1 (prazas de persoal técnico) designado para xulga-lo proceso selectivo para o ingreso no cadro de persoal laboral fixo do Instituto Galego de Promoción Económica (Igape), convocado pola Resolución do 25 de xuño de 2001 (Diario Oficial de Galicia nº 127, do 2 de xullo), resolveu, de conformidade co disposto no punto 6 da convocatoria, o seguinte:
Aproba-las listas definitivas de admitidos e excluídos ás probas selectivas para o ingreso nas categorías de técnicos, prazas tipo A, D e E.
As referidas listas estará expostas no taboleiro de anuncios das oficinas centrais do Igape e nas oficinas territoriais do dito ente.
Para efectos de información, o teléfono de contacto é o 902 12 00 12 en horarios de 9 a 19 horas de luns a venres e de 9 a 14 horas os sábados.
Así mesmo, publícase a lista definitiva de excluídos, que figura como anexo a esta resolución.
Os aspirantes excluídos disporán dun prazo dun mes, contado a partir do día seguinte ó da publicación desta resolución no Diario Oficial de Galicia, para solicita-la devolución dos dereitos de exame aboados, debendo consigna-lo nome e apelidos, NIF, categoría/s ás que se presentou e o número de conta, entidade bancaria e a localidade desta.
Convócanse ós aspirantes, admitidos definitivamente á realización do primeiro exercicio das probas selectivas (cuestionario tipo test), que terá lugar o día 26 de setembro de 2001 no Pazo de Exposicións e Congresos sito en San Lázaro, Santiago de Compostela, segundo a continuación se indica:
Técnicos medios xerais (A): ás 11 horas.
Diplomados en empresariais (D) e enxeñeiros técnicos industriais (E): ás 16 horas.
Tódolos aspirantes convocados deberán asistir á celebración do primeiro exercicio provistos de lapis do número 2, goma de borrar e DNI ou documento fidedigno acreditativo da súa identidade a xuízo do tribunal.
Contra a presente resolución poderán interpoñer recurso de alzada ante a Dirección Xeral do Igape no prazo dun mes, contado desde o día seguinte ó da publicación desta resolución.
Santiago de Compostela, 3 de setembro de 2001.
José Álvarez Cobelas
Presidente do tribunal número 1