En cumprimento do acordo plenario de data 9-8-2001 e do disposto no artigo 78 do R.D.L. 2/2000, do 16 de xuño, do texto refundido da Lei de contratos das administracións públicas, e 326 da Lei 7/1997, do 22 de xullo, da Administración local de Galicia, faise pública a licitación para o alleamento do seguinte inmoble municipal:
1. Obxecto: alleamento, compravenda, do inmoble municipal sito na rúa Rodríguez Murias, nº 20.
2. Tramitación: ordinaria.
3. Procedemento: aberto.
4. Sistema de adxudicación: poxa.
5. Prezo tipo: trinta millóns de pesetas, equivalentes a cento oitenta mil trescentos tres con sesenta e tres céntimos (30.000.000 de pesetas/180.303,63 euros).
6. Prazo de formalización: un mes.
7. Fianza provisional: cincuenta mil pesetas (50.000 pesetas).
8. Fianza definitiva: excluída.
9. Presentación de ofertas: durante os 15 días naturais seguintes ó da publicación deste anuncio no DOG, cos requisitos do artigo 7 do prego de condicións, presentándoas no rexistro do concello ou remitíndoas por correo, comuncicándoo neste caso mediante telegrama ou fax.
O prego de condicións económico-administrativas particulares e a descrición técnica do inmoble está á disposición de tódolos interesados nas oficinas xerais do Concello de Ribadeo, pza. de España nº 1, 27700 Ribadeo-Lugo, tlfno. 982 12 86 50, fax 982 13 09 75, horario de atención ó público de 9 a 14 horas de luns a venres.
10. Modelo de proposición.
Don/Dona..., veciño de..., con enderezo en..., titular do DNI..., en nome propio (ou en representación de..., conforme acredito con poder verificado na súa suficiencia), informado/a da poxa aberta tramitada polo Concello de Ribadeo para a adxudicación da compravenda do inmoble municipal sito na rúa Rodríguez Murias, nº 20, manifesta coñece-lo prego de cláusulas administrativas, que integramente
acepta e comprométese a adquiri-lo inmoble por un prezo de...pesetas (en letra e número), oferta que manterá por un prazo de.... Ribadeo, ... de ... de 2001.
11. Apertura de proposicións: realizarase pola mesa de contratación en acto público, segundo a cláusula 9 do prego, dentro dos 10 días seguintes ó de remate de presentación de ofertas e logo de convocatoria ós licitadores.
Ribadeo, 23 de agosto de 2001.
José Carlos Rodríguez Andina
Alcalde