Recibida no Instituto Galego de Promoción Económica (Igape) solicitude da entidade financeira Caixa Galicia pedindo a execución do aval parcial
subsidiario concedido por este instituto a Lácteas Río Tormes, S.L. en concepto de contragarantía de taxa suplementaria no sector do leite e productos lácteos período 1995/96, e tendo resultado resultado infructuoso o requirimento notarial de pagamento a Lácteas Río Tormes, S.L. practicado no domicilio social coñecido da empresa, sito na estrada de Fornas a Ansuar s/n -Chantada (Lugo), por abandono do mesmo, por medio do presente anuncio notifícase á avalada Lácteas Río Tormes, S.L. a procedencia de reintegrar a Caixa Galicia. O importe por esta aboado ó Fondo Español de Garantía Agraria (FEGA) por execución do aval prestado en garantía do pagamento da liquidación correspondente a taxa suplementaria no sector do leite e os productos lácteos 1995/96.
O importe a reintegrar ascende a 166.213.978 pesetas (cento sesenta e seis millóns duascentas trece mil novecentas setenta e oito pesetas), dos que 135.518.119 pesetas (cento trinta e cinco millóns cincocentas dezaoito mil cento dezanove pesetas) corresponden ó principal da taxa liquidada, e 30.695.859 pesetas (trinta millóns seiscentas noventa e cinco mil oitocentas cincuenta e nove pesetas) corresponden a xuros. Estas cantidades resultan de descontar do importe total aboado ó FEGA por Caixa Galicia e que ascende a 189.739.060 pesetas (cento oitenta e nove millóns setecentas trinta e nove mil sesenta pesetas), das que 154.698.736 pesetas (cento cincuenta e catro millóns seiscentas noventa e oito mil setecentas trinta e seis pesetas) corresponden a principal da taxa liquidada e 35.040.324 pesetas (trinta e cinco millóns corenta mil trescentas vintecatro pesetas) a xuros, 23.525.082 pesetas (vintetrés millóns cincocentas vintecinco mil oitenta e dúas pesetas) pagadas pola avalada, e
das que 19.180.617 pesetas (dezanove millóns cento oitenta mil seiscentas dezasete pesetas) corresponden a principal da taxa, e 4.344.465 pesetas (catro millóns trescentas corenta e catro mil catrocentas sesenta e cinco pesetas) a xuros.
A publicación do presente anuncio iniciará o cómputo do prazo de noventa días naturais establecido no aval do Igape como condición para a súa executabilidade.
Santiago de Compostela, 30 de xullo de 2001.
Margarita Rodríguez Rama
Directora xeral do Instituto Galego de Promoción
Económica