Aprobado inicialmente polo Concello Pleno con data do 28 de xuño de 2001, o proxecto de modificación puntual do Plan xeral de ordenación urbana de Lugo, no tramo da avenida Duquesa de Lugo comprendido entre a rúa monte Faro e o polígono do Ceao, redactado por Epypsa, coa suspensión automática de licencias de parcelamento de terreos, edificación e demolición polo prazo máximo dun ano (estinguíndose se antes do devandito prazo se produce a aprobación definitiva do planeamento) na totalidade dos terreos comprendidos no seu ámbito que supoñan modificación das determinacións do réxime urbanístico vixente.
Zona de suspensión: franxa de 10 metros de largo (grafada en vermello nos planos que figuran no expediente), pralela a ámbalas dúas marxes da vía para sistema xerais, grafados nos planos do PXOU vixente
(Plano J02, follas F7, F8 e G8), e recoñecida como itinerarios vinculantes para os plans parciais correspondentes, con deseño indicativo en canto á traza destes e nos terreos de solo urbanizable non programado, correspondentes ós sectores IN-G e IN-H, polos que esta vía transcorre, ademais do tramo de solo urbano rexido pola ordenanza de zona 13 industrial e almacéns en contacto desta vía coa avenida Benigno Rivera.
Conforme o previsto nas disposicións vixentes, sométese a información pública polo prazo dun mes o devandito proxecto, durante o cal poderá ser examinado no Servicio de Urbanismo deste concello (Ronda Muralla, número 197), e presentarse reclamacións ou suxestións que se desexen.
Contra o acordo de suspensión de procedemento de outorgamento de licencias poderase interpor recurso contencioso-administrativo perante o Tribunal Superior de Xustiza de Galicia, no prazo de dous meses a partir do día seguinte ó da presente publicación, non obstante o anterior, e con carácter previo poderá interpoñe-lo recurso potestativo de reposición ante o órgano que dictou o acordo e no prazo dun mes, contado igualmente desde o día seguinte da presente publicación.
Lugo, 5 de xullo de 2001.
Eva Martín Minguela
Vicesecretaria
Visto e prace
P.D. (Decreto alcaldía 60/1999)
José Ramón Gómez Besteiro
Tenente alcalde delegado de Área