De conformidade con canto se establece no artigo 70.2º da Lei 7/1985, do 2 de abril, reguladora das bases do réxime local e no artigo 48.2º da Lei 1/1997, do 24 de marzo, do solo de Galicia, por medio do presente anuncio faise público que o Pleno do Concello, na súa sesión do 30 de marzo de 2001, aprobou definitivamente a modificación puntual das normas subsidiarias do planeamento municipal, acordo que na súa parte dispositiva resulta do teor literal seguinte:
«Logo dunha breve deliberación e existindo coincidencia entre tódolos grupos políticos sobre a modi
ficación que se pretende, o Pleno do Concello, por unanimidade e en votación ordinaria, acorda:
Primeiro.-Aprobar definitivamente a modificación puntual das normas subsidiarias do planeamento municipal, co seguinte contido.
Modificación única: variación da delimitación do solo urbano para amplia-lo solo dotacional de equipamento docente (E-1) no contorno do instituto.
Segundo.-Que no presente acordo, na súa parte dispositiva, xunto co articulado das normas se publique no BOP, en cumprimento de canto se establece no artigo 70.2º da Lei 7/1985, do 2 de abril, reguladora das bases de réxime local, publicada, así mesmo, no DOG, de conformidade con canto establece o artigo 48.1º da Lei 1/1997, do 24 de marzo, do solo de Galicia.
Terceiro.-Achegar á Consellería de Política Territorial, Obras Públicas e Vivenda a documentación a que fai referencia o artigo 48.2º da Lei do solo de Galicia».
Entrada en vigor: a modificación aprobada entrará en vigor unha vez publicada no BOP de Lugo e de que transcorra o prazo a que se refire o artigo 48.3º da Lei do solo de Galicia.
Recursos: contra o acordo de aprobación definitiva poderase interpoñer directamente recurso contencioso-administrativo, diante da sala correspondente do Tribunal Superior de Xustiza de Galicia, no prazo de dous meses, contados a partir do día seguinte ó da súa publicación.
Becerreá, 14 de agosto de 2001.
O alcalde
Rubricado