Pola Orde do 13 de febreiro de 2001 (DOG nº 43, do 1 de marzo) convocáronse bolsas e axudas ó estudio de carácter especial para estudiantes galegos, descendentes de galegos ou residentes en Galicia que cursen estudios universitarios de primeiro ou segundo ciclo no curso 2001-2002, cunha necesidade urxente de recursos económicos motivadas por causas sobrevidas e non previstas.

Na súa virtude, dacordo co establecido nas bases da convocatoria, e atendendo ó informe-proposta ele

vado pola comisión avaliadora a través da Dirección Xeral de Universidades, esta consellería

RESOLVE:

Primeiro.-Conceder unha axuda ás persoas que a continuación se relacionan e na contía que se indica en cada caso:

Segundo.-No caso de producirse algunha renuncia procederase, se é o caso, e tendo en conta o remanente de crédito, a adxudicárlle-la bolsa ás persoas que figuran relacionadas a continuación como suplentes, de acordo cos criterios establecidos pola comisión:

Terceiro.-Denega-la axuda ás persoas que a continuación se relacionan polas causas que se recollen:

Causas de exclusión: falta algún dos seguintes documentos:

1. Copia do DNI/NIF do solicitante.

2. Certificación académica ou copia compulsada do curso 2000/2001.

3. Solicitude fóra de prazo.

4. Certificado de empadroamento na Comunidade Autónoma de Galicia, para aqueles alumnos que non sexan galegos ou descendentes de galegos.

5. Copia compulsada da declaración da renda correspondente ó exercicio de 2000 ou documento acreditativo da Axencia Tributaria de non estar suxeito á declaración ante a Facenda.

6. Xustificante de tódolos ingresos da unidade familiar.

7. Informe do asistente social do concello no que estea empadroado que recolla a situación socioeconómica da unidade familiar e as causas sobrevidas e non previstas que motivan a necesidade urxente de recursos económicos.

8. Documento facilitado pola entidade bancaria a nome do interesado, no que conste o código de conta cliente comprensivo dos códigos que identifican o banco, a oficina, o díxito de control e o número de conta.

9. Declaración xurada do solicitante con expresión das axudas solicitadas ou concedidas por parte doutros organismos públicos ou privados.

10. Xustificante dos motivos que fundamentan a petición da bolsa.

11. Non cumprir co obxecto das axudas.

Cuarto.-Os pagamentos faranse de acordo co establecido nas bases da convocatoria.

Quinto.-O incumprimento por parte dos beneficiarios de calquera das bases establecidas na orde da convocatoria do 13 de febreiro suporá a perda do dereito a percibi-la subvención correspondente.

Sexto.-Contra esta resolución que esgota a vía administrativa, os interesados poderán interpoñer recurso potestativo de reposición ante o Conselleiro de Educación e Ordenación Universitaria no prazo dun mes a partir do día seguinte ó da publicación da resolución no DOG, segundo o disposto nos artigos 116 e 117 da Lei 4/1999 (BOE nº 12, do 14 de xaneiro) de modificación da Lei 30/1992, de réxime xurídico das administracións públicas e do procedemento administrativo común, ou ben directamente recurso contencioso-administrativo no prazo de dous meses perante o Tribunal Superior de Xustiza de Galicia.

Disposición derradeira

A presente resolución entrará en vigor ó día seguinte ó da súa publicación no Diario Oficial de Galicia.

Santiago de Compostela, 6 de agosto de 2001.

Celso Currás Fernández

Conselleiro de Educación e Ordenación

Universitaria