De conformidade co disposto polo artigo 59.4º da Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, notifícaselles ás persoas que no anexo se mencionan que, con esta data resolvín publica-la proposta de resolución dos procedementos sancionadores que se instrúen, por presuntas infraccións á Lei 4/1997, do 25 de xuño, de caza de Galicia (DOG nº 33, do 11 de xullo), por non ser posible a súa notificación.
Para os efectos previstos na Lei de réxime xurídico das administracións públicas e do procedemento administrativo común, os expedientados disporán dun prazo de quince (15) días hábiles, contados a partir do seguinte ó da publicación desta notificación para formular cantas alegacións estimen pertinentes. No mesmo prazo ponse o procedemento de manifesto para trámite de vista se o consideran oportuno. O expediente pode ser examinado na delegación provincial desta consellería, sita na rúa do Paseo, nº 18-5º andar, en Ourense.
Rematado o prazo que se sinala, esta proposta, xunto con tódolos documentos que constan nos expedientes, remitiránselles ó delegado provincial a Consellería de Medio Ambiente, para a resolución dos procedementos.
O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).
Ourense, 16 de xullo de 2001.
Agustín Prado Verdeal
Delegado provincial de Ourense
ANEXO
Expediente: OU 22/01C.
Denunciado: José Casas Calvo.
DNI: 34683482B.
Último enderezo coñecido: Paseo Marítimo, 7-3º. A Coruña.
Feito probado: cazar provisto dunha escopeta cargada e lista para o disparo, do calibre 12, marca L.I., modelo 04, número 70481, na estrada de Petín a Santa Olaia.
Precepto infrinxido: artigo 25.41º da Lei de caza de Galicia.
Precepto sancionador: artigo 57.35º da Lei de caza de Galicia.
Sanción: multa de 20.000 pesetas.