De conformidde co disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos no mencionado real decreto, faise público que na Sección de Mediación, Arbitraxe e Conciliación desta delegación provincial foron depositados a acta de constitución e os estatutos da Agrupación para a Defensa Sanitaria de Gando Aviar do Sur de Pontevedra (Avipolo-Sur), que abranguen os seguintes ámbitos:
Territorial: provincial (sur).
Profesional: representación, coordinación, fomento e defensa dos intereses profesionais e económicos dos gandeiros asociados, particularmente nos aspectos relacionados co nivel sanitario e zootécnico das súas explotacións gandeiras.
Asinan a acta de constitución: Mª Esther Ojea Rodríguez e outros.
Os estatutos depositados poderán ser examinados por calquera persoa interesada.
Vigo, 4 de xullo de 2001.
Antonio Coello Bufill
Delegado provincial de Pontevedra