Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño de que en autos seguidos perante este Xulgado do Social tramitados baixo o número 143/2001, por instancia de Mª del Carmen Alonso
Vázquez, contra a empresa American Telecom, S.A., sobre salarios, dictouse a seguinte sentencia:
«Na cidade da Coruña, o 6 de xullo de 2001.
Jorge Hay Alba, maxistrado xuíz do social número dous desta cidade, viu os presentes autos de xuízo número 143/2001, seguidos por instancia de Mª Carmen Alonso Vázquez, maior de idade, asistida polo letrado Santiago Güemez Abad, contra a empresa American Telecom, S.A., que non compareceu, sendo o obxecto da reclamación salarios.
Seguen feitos e fundamentos de dereito.
Decido que debo estimar e estimo a demanda interposta pola demandante Mª Carmen Alonso Vázquez contra a empresa American Telecom, S.A., condenando a demandada a lle aboar á demandante a cantidade de 538.977 pesetas polos conceptos reclamados na demanda.
Notifíqueselles esta resolución ás partes, ás que se fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia e no propio termo se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603 clave 60, facendo constar no ingreso o número do expediente.
E, así mesmo, deberá no momento de interpo-lo recurso consigna-la cantidade de 25.000 pesetas en concepto de depósito na clave 65 da citada conta e expediente.
Así, por esta miña sentencia, definitivamente xulgando en primeira instancia pronúncioo, mándoo e asínoo».
E para que sirva de notificación á empresa American Telecom, S.A. mediante a súa publicación no Diario Oficial de Galicia, que ten o seu enderezo descoñecido, expido e asino esta cédula na Coruña o 6 de xullo de 2001.
O secretario xudicial
Rubricado