Juan Rey Pita, secretario do Xulgado do Social número tres en funcións do Xulgado do Social número catro de A Coruña, dá fe e certifica que neste xulgado se seguen autos número 344/2001, por instancia de Ruth Modera Vila, contra Centro Peluqueros Grupo Mar Vigo, S.L. sobre despedimento, nos que recaeu sentencia en data que copiada nos particulares necesarios di así:
«Decido que, estimando a demanda promovida por Ruth Modera Vila contra a empresa Centro Peluqueros Grupo Mar Vigo, S.L. debo declarar improcedente o despedimento efectuado á demandante o 11-4-2001, condenando a demandada a que no prazo de cinco días contados desde a notificación desta resolución, opte entre a readmisión da traballadora nas mesmas condicións que rexían antes de producirse o despedimento ó aboamento da cantidade de 325.479 pesetas en concepto de indemnización e ó aboamento dos salarios deixados de recibir desde a data do despedimento e ata a notificación desta resolución a razón de 5.000 pesetas diarias.
Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia no prazo de cinco días contados a partir do seguinte á súa notificación, anunciando o propósito de interpoñelo mediante comparecencia ou escrito, sendo indispensable que, ó tempo de anuncialo, o recorrente, se é empresario, exhiba perante este Xulgado do Social o resgardo acreditativo de ter depositado no Banco Bilbao Vizcaya, oficina principal desta cidade, na conta corrente deste xulgado, número identificador 5606, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, sen o cal requisito non poderá terse anunciado o recurso e quedará firme a sentencia, debendo consignar ademais a cantidade de 25.000 pesetas na mesma conta coa clave 65, entregándose o resgardo na secretaría ó tempo de
interpoñe-lo recurso, declarándose o mesmo este desistido de non constituírse tal depósito na forma indicada, definitivamente xulgando en primeira instancia pronúncioo, mándoo e asínoo».
Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo.
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Centro Peluqueros Grupo Mar Vigo, S.L. expido e asino esta cédula na Coruña, o 2 de xullo de 2001.
O secretario xudicial
Rubricado