Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño :
En autos seguidos perante este Xulgado do Social, tramitados baixo o número 127/2001 por instancia
de María Luisa Toral Yáñez, Ramona María Reynoso Saldívar, María José Basanta León, María Rosario Garrido Pérez e María del Carmen Rey López contra a empresa Bupan 2000, S.L. e Fogasa sobre salarios, dictouse a seguinte sentencia:
Na cidade da Coruña, o 3 de xullo de 2001.
Jorge Hay Alba, maxistrado-xuiz do social número dous desta cidade, viu os presentes autos de xuízo número 127/2001, seguidos por instancia de María Luisa Toral Yáñez, Ramona María Reynoso Saldívar, María José Basanta León, María Rosario Garrido Pérez e María del Carmen Rey López, maiores de idade, asistidas pola procuradora Susana Prego Vieito e polo letrado José Manuel Pérez Nieves, contra a empresa Bupan 2000, S.L. que non compareceu en autos; e o Fogasa, representando e asistido pola letrada Mª Paz Gómez Vázquez, sendo o obxecto da reclamación, salarios.
Seguen feitos de fundamentos de dereito.
Decido que, estimando parcialmente a demanda interposta polas demandantes María Luisa Toral Yáñez, Ramona María Reynoso Saldívar, María José Basanta León, María Rosario Garrido Pérez e María del Carmen Rey López contra a empresa Bupan 2000, S.L., intervindo o Fogasa, debo condenar e condeno á empresa a que aboe a cada unha das demandantes a cantidade de 240.453 pesetas por tódolos conceptos reclamados na demanda.
Notifíqueselles esta resolución ás partes, ás que se fará saber que contra a referida só cabe recurso de suplicación ante o Tribunal Superior de Xuxtiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603 clave 60, facendo constar no ingreso o número do expediente.
E así mesmo, deberá no momento de interpo-lo recurso consigna-la cantidade de 25.000 pesetas en concepto de depósito, na clave 65 da citada conta e expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo.
E para que sirva de notificación á empresa Bupan 2000, S.L. mediante a súa publicación no Diario Oficial de Galicia, que ten o seu enderezo descoñecido, expido e asino esta cédula na Coruña o 3 de xullo de 2001.
O secretario xudicial
Rubricado
