O Pleno do Concello, en sesión do 28 de xuño de 2001, adoptou o seguinte acordo:

Primeiro.-Aprobar definitivamente o Plan parcial 03-09-Recaré 2, promovido pola entidade mercantil Inmobiliaria Recaré, S.A. e redactado polo arquitectos José Enrique López Santander e Álvaro Gil-Delgado, de acordo coas determinacións da aprobación inicial e a documentación que consta no expediente 3597/401, dándose así cumprimento ó disposto na sentencia do Tribunal Superior de Xustiza de Galicia nº 652/2000, do 4 de maio, dictada no recurso contencioso-administrativo nº 2/5066/1996.

Segundo.-Desestima-la alegación formulada por Antonio Rodríguez Vila, con data de entrada no rexistro da Xerencia de Urbanismo do 14-3-2001 (doc. nº 174291), polos motivos que se recollen na parte expositiva deste acordo. Estimar parcialmente a alegación formulada por José León Escobar Torrado o 10-5-1995 (doc. nº 579848), nos termos expostos no informe técnico do 14-6-1995, que se recolle na parte expositiva deste acordo.

Terceiro.-Declara-la conservación e, conseguintemente, a plena validez e eficacia dos acordos do Consello da Xerencia Municipal de Urbanismo de datas respectivas 5-9-1997, 24-6-1999 e 6-4-2000, polos que se aprobaron definitivamente as bases e estatutos da xunta de compensación (expediente 3986/401), o proxecto de compensanción (expediente 4148/401) e o proxecto de urbanización (expediente 4160/401) do devandito ámbito, así como dos demais actos firmes dictados en execución do anterior acordo plenario do 8-2-1996, de aprobación definitiva do Plan parcial 03-09-Recaré 2.

Cuarto.-Publicar este acordo no DOG e no BOP. Notificarlles este acordo ós propietarios interesados, ós alegantes e á Consellería de Política Territorial, Obras Públicas e Vivenda da Xunta de Galicia, con cumprimento dos trámites previstos no artigo 48 da LSG.

Contra o devandito acordo, que pon fin á vía administrativa, poderá intepoñerse recurso contencioso-administrativo ante o Tribunal Superior de Xustiza de Galicia no prazo de dous meses, contados desde o día seguinte o da publicación deste anuncio.

De conformidade co artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, por medio deste anuncio e publicación no taboleiro de edictos do conecello notifícaselle-lo acordo que nel se contén a tódolos propietarios que sexan descoñecidos, dos que se ignore o lugar da notificación ou ben intentada esta, non se puidese practicar.

Vigo, 27 de xullo de 2001.

Lois Pérez Castrillo

Alcalde presidente da Xerencia Municipal de Urbanismo