O Pleno do Concello de Vigo, en sesión do día 26 de abril de 2001, adoptou o seguinte acordo:

«Primeiro: aprobar definitivamente a segunda modificación do estudio de detalle de ordenación de volumes e sinalamento de rasantes da unidade de actuación, hoxe polígono Fraga, segundo documentación presentada pola xunta de compensación da unidade de actuación, redactada polos arquitectos Arturo e Eduardo Fraga Fernández, visada polo colexio oficial correspondente o 29 de marzo de 2000, conforme a documentación da súa aprobación inicial, expediente 5916/411.

Segundo: proceder á publicación da aprobación definitiva no Diario Oficial de Galicia, BOP, con notificación individual ós propietarios afectados.

Terceiro: requirir á xunta de compensación da unidade de actuación para que presente ante esta Xerencia de Urbanismo a documentación precisa para tramita-la correspondente modificación do proxecto de urbanización aprobado definitivamente polo Consello da Xerencia o 15 de novembro de 1996, e que responda á modificación do estudio de detalle que definitivamente se aproba».

Contra o devandito acordo, que pon fin á vía administrativa, poderá interpoñerse recurso contencioso-administrativo no prazo de dous meses contados a partir do día seguinte ó da publicación deste anuncio.

Así mesmo, o presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común, para todos aqueles propietarios que sexan descoñecidos, se ignore o lugar de notificación ou, intentada esta, non se puidese practicar.

Vigo, 21 de maio de 2001.

Lois Pérez Castrillo

Alcalde-presidente da Xerencia Municipal

de Urbanismo