A Comisión de Goberno do Concello, en sesión celebrada o 31 de maio de 2001, aprobou definitivamente o proxecto de compensación do sector C zona 1 do polígono industrial de San Cibrao das Viñas por instancia da sociedade Inversiones Gabian, S.L., conforme o acordo que trascrito literalmente di:
Primeiro.-Aproba-lo proxecto de compensación do sector C-zona 1 do polígono industrial de San Cibrao das Viñas redactado polo arquitecto Javier Nogueiras Mascareñas.
Segundo.-Continuar-lo procedemento establecido na Lei 1/1997, do solo de Galicia e Real decreto 3288/1978, do 25 de agosto, polo que se aproba o Regulamento de xestión urbanística.
Contra o acordo de aprobación definitiva poderase interpor directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interporse recurso potestativo de reposición ante a comisión de goberno do concello no prazo dun mes contado desde a mesma data.
San Cibrao das Viñas, 30 de xullo de 2001.
Elisa Nogueira Méndez
Alcaldesa