Gonzalo Iglesias Varela, instructor do expediente administrativo que se segue ó centro privado concertado Colexio Santa Mariña, situado na Ronda de Outeiro nº 66 na Coruña, de conformidade co disposto polo artigo 59.4º da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común.

Fago saber que por este edicto se empraza a Mª Xesús Millarengo Sánchez, presunta directora do mencionado centro, en paradoiro descoñecido, e figurando como último domicilio coñecido o que tiña na poboación da Coruña, Ronda de Outeiro nº 66, para que o vindeiro día 4 de setembro compareza ante esta Instrucción situada nas depnedencias da Inspección de Educación, rúa Salvador de Madariaga s/n, 1ª planta, na Delegación de Educación da Coruña, ás 11.30 horas da mañá para darlle vista ó referido expediente administrativo que se lle segue ó mencionado centro, apercibíndoa que de non acudir a este requirimento proseguiranse as actuacións correspondentes co prexuízo a que en dereito tivese lugar.

A Coruña, 30 de xullo de 2001.

Gonzalo Iglesias Varela

Instructor