Solicitudes: poderán participar na convocatoria tódolos cidadáns que reúnan os seguintes requisitos:
-Ser español e maior de idade.
-Non estar incurso nas causas de incapacidade previstas no artigo 303 da Lei orgánica do poder xudicial, así como nas incompatibilidades sinaladas no artigo 389 e s.s. á excepción do exercicio de actividades profesionais ou mercantís.
Documentación: solicitude dirixida á alcaldía coa achega dos seguintes documentos:
-Certificado de nacemento ou fotocopia autentificada do DNI.
-Certificación expedida polo Rexistro Central de Penados e Rebeldes.
-Declaración complementaria á que fai referencia o artigo 2 da Lei 68/1980 no seu punto 1 a) referente a se se acha inculpado ou procesado.
-Xustificante dos méritos que poida alegar.
Prazo: 15 días hábiles contados desde o día seguinte ó da súa publicación. (Cóntase desde a última publicación: BOP/DOG).
Esta publicación faise para dar cumprimento ó disposto na Lei orgánica do poder xudicial, artigo 101, para proceder á elección do xuíz de paz titular deste concello.
Nogueira de Ramuín, 27 de xuño de 2001.
José Eugenio Galindo González
Alcalde