Por resolución da Alcaldía-Presidencia, do 30 de xullo de 2001, aprobouse o expediente de contratación, mediante procedemento aberto por poxa, en tramitación urxente, das obras incluídas no Fondo de Cooperación Local do ano 2001, relacionadas no anexo I deste edicto.
1. Obxecto: execución das obras incluídas no Fondo de Cooperación Local do ano 2001, relacionadas no anexo I, con especificación do orzamento e prazo de execución de cada obra.
2. Orzamento: o especificado no anexo I para cada obra.
3. Forma de adxudicación: procedemento: aberto por poxa. Tramitación: urxente.
4. Prazo de execución: o especificado no anexo I para cada obra.
5. Garantías:
Provisional: 2% do tipo de licitación.
Definitiva: 4% do importe de adxudicación.
6. Obtención de documentación e información: o expediente de contratación e prego de condicións particulares expóñense ó público durante catro días desde a súa publicación no BOP. Os interesados poden obte-la información que consideren oportuna na Secretaría do Concello de Carballeda de Valdeorras (Sobradelo). Telf.: 988 33 50 02; fax: 988 33 53 79. A data límite para a obtención de documentación e información será a de finalización do prazo para a presentación de ofertas.
7. Requisitos do contratista: persoa física ou xurídica. Clasificación: non se esixe.
8. Prazo de presentación de proposicións: as proposicións, de conformidade co modelo que figura no prego de condicións, presentaranse no rexistro xeral do concello, ata as 14 horas do décimo terceiro (13) día natural seguinte ó da última publicación do anuncio no BOP e no Diario Oficial de Galicia (data da última publicación), xuntando a documentación que se especifica no prego de condicións.
9. Apertura de plicas e proposta de adxudicación: terá lugar en acto público no salón de sesións do concello, ás 12 horas do día seguinte hábil (agás sábado) a aquel no que remate o prazo de presentación das ofertas, formulándose a proposta oportuna de adxudicación.
10. Gastos de anuncios: serán por conta do adxudicatario, rateados en proporción ó orzamento de cada obra.
Carballeda de Valdeorras, 30 de xullo de 2001.
Mª Carmen Glez. Quintela
Alcaldesa
ANEXO
de contrato execución
Nº de obra Denominación Orzamento
Prazo de
Clasificación
1/FCL/2001 Renovación rede abastecemento no Trigal 8.810.000 ptas. 3 meses Non se esixe
2/FCL/2001 Ampliación e reparación do depósito de auga en Sobradelo 6.800.000 ptas. 3 meses Non se esixe
3/FCL/2001 Reparación rede saneamento (colector de Casaio) 2.958.558 ptas. 2 meses Non se esixe