DOG 153 do 08/08/2001 - RESOLUCIÓN do 13 de xullo de 2001, da División de Recursos Económicos, pola que se anuncia concurso, polo procedemento aberto, para a adquisición de catro equipos de cribado auditivo mediante potenciais evocados automatizados para o Programa Galego de Detección Precoz da Xordeira en Período Neonatal e 4.000 parellas de terminais de estimulación acústica, externo, adhesivo, rexeitable para a utilización cos equipos de cribado. (C/299-2001).

VI. ANUNCIOS

DA ADMINISTRACIÓN AUTONÓMICA

SERVICIO GALEGO DE SAÚDE

RESOLUCIÓN do 13 de xullo de 2001, da División de Recursos Económicos, pola que se anuncia concurso, polo procedemento aberto, para a adquisición de catro equipos de cribado auditivo mediante potenciais evocados automatizados para o Programa Galego de Detección Precoz da Xordeira en Período Neonatal e 4.000 parellas de terminais de estimulación acústica, externo, adhesivo, rexeitable para a utilización cos equipos de cribado. (C/299-2001).

Obxecto e orzamento: adquisición de catro equipos de cribado auditivo mediante potenciais evocados automatizados para o Programa Galego de Detección Precoz da Xordeira en Período Neonatal e 4.000 parellas de terminais de estimulación acústica, externo, adhesivo, rexeitable para a utilización cos equipos de cribado, por un importe máximo de dezaoito millóns oitocentas mil pesetas (18.800.000 pesetas, IVE incluído) equivalentes a 112.990,28 euros.

Solvencia económica, financeira e técnica: deberá acreditarse conforme o previsto na cláusula 18 da folla de especificacións do prego de cláusulas administrativas particulares.

Prazo de execución: desde o asinamento do contrato ata o 31 de decembro de 2003.

Documentos de interese para os licitadores: o prego de cláusulas administrativas particulares e demais documentación complementaria pódense solicitar na Consellería de Sanidade e Servicios Sociais, División de Recursos Económicos, Subdirección Xeral de Con

tratación e Xestión Económica; edificio administrativo San Caetano, bloque 2-2º, en días laborables desde as 9 ata as 14 horas, e na páxina web do Sergas:www.sergas.es.

Garantías: non se esixen.

Admisión de variantes: non se admiten.

Criterios de adxudicación: ver cláusula 13 da folla de especificacións do prego de cláusulas administrativas particulares.

Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro xeral da Consellería de Sanidade e Servicios Sociais/Sergas, antes das 14 horas do décimo quinto día natural, contado a partir do seguinte ó da publicación desta resolución no DOG, ou por correo na forma indicada no punto 5.2 do prego de cláusulas administrativas particulares.

Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas da Consellería de Sanidade e Servicios Sociais no edificio administrativo San Caetano (ático ala norte), a partir das 9.30 horas do quinto día natural, contado a partir do seguinte a aquel no que remate o prazo de presentación de ofertas; no caso de que o devandito día coincida en sábado ou festivo, a apertura das proposicións terá lugar o seguinte día hábil.

Documentación que deberán achega-los licitadores: os documentos que figuran no prego de cláusulas administrativas particulares.

Anuncios: os anuncios deste concurso serán por conta do adxudicatario.

Santiago de Compostela, 13 de xullo de 2001.

Antonio Fernández-Campa García-Bernardo

Director xeral da División de Recursos Económicos