a) Asistencia técnica.
Asistencia técnica para redacción do estudio informativo e o proxecto de construcción de solucións ós problemas de asolagamentos en Gondomar (Gondomar, Pontevedra).
Clave: OH.436.490/AT.
Orzamento: vintecinco millóns oitocentas setenta e oito mil cento corenta e nove pesetas (25.878.149 pesetas, equivalente a 155.530,808 euros).
Prazo de execución: 18 meses.
Clasificación: non se esixe.
Requisitos específicos do contratista: os licitadores deberán presentar, para os efectos de acredita-la súa solvencia económica e financeira, os documentos citados no artigo 16, letra a), do texto refundido da Lei de contratos das administracións públicas (Real decreto lexislativo 2/2000, do 16 de xuño), e a súa solvencia técnica ou profesional mediante os documentos citados no artigo 19, letras a) e b), da mesma lei.
De posuí-lo licitador a clasificación do grupo II, subgrupo 3, categoría A, será eximido da presentación da solvencia económica e financeira e da solvencia técnica ou profesional.
Fianza provisional: cincocentas dezasete mil cincocentas sesenta e tres pesetas (517.563 pesetas, equivalente a 3.110,616 euros).
b) Documentos de interese para os licitadores.
Os pregos de cláusulas administrativas particulares, así como os pregos de prescricións técnicas estarán de manifesto e á disposición dos concursantes, para o seu exame, durante o prazo de presentación das proposicións, os días e horas hábiles de oficina, no organismo autónomo Augas de Galicia, Consellería de Política Territorial, Obras Públicas e Vivenda, praza Camilo Díaz Valiño s/n, Santiago de Compostela.
Así mesmo, tamén se poderá obte-lo prego de cláusulas administrativas particulares relativo a esta contratación no seguinte enderezo da Internet:
http://www.xunta.es/contratacion.
c) Garantías que se lles esixen ós licitadores.
Esixirase a fianza provisional indicada no punto a) anterior e unha fianza definitiva equivalente ó catro por cento (4%) do orzamento de adxudicación.
As devanditas fianzas poderán ser presentadas na modalidade e polas persoas ou entidades que especifica a lexislación española vixente.
d) Modelo de proposición.
Proposición económica formulada estrictamente conforme o modelo que se achega ó prego de cláusulas administrativas particulares.
e) Prazo e lugar para a presentación de proposicións.
As proposicións deberán presentarse en sobre pechado no rexistro de Augas de Galicia ou enviarse por correo dentro do prazo de admisión sinalado conforme o disposto no artigo 100 do Regulamento xeral de contratación do Estado.
O prazo de admisión das proposicións rematará ás doce horas do día dezasete (17) de setembro de 2001.
f) Admisión de variantes.
Os licitadores poden presentar, se o consideran conveniente, unha variante ou alternativa de acordo co indicado no prego de prescricións técnicas (punto 8 do dito prego).
g) Apertura das proposicións.
A apertura das proposicións será realizada pola mesa de contratación, na sala de xuntas de Augas de Galicia, ás dez horas do día vinteoito (28) de setembro de 2001.
A mesa de contratación comprobará en acto previo a documentación xeral (sobre nº 1), segundo se especifica no punto 2.2.6. Constitución e funcionamento da mesa, do prego de cláusulas administrativas particulares.
h) Documentos que deben presenta-los licitadores.
Os que figuran no prego de cláusulas administrativas particulares.
O importe do presente anuncio será por conta dos adxudicatarios.
Santiago de Compostela, 31 de xullo de 2001.
Agustín Hernández Fernández de Rojas
Presidente do organismo autónomo
Augas de Galicia
