A Comisión de Goberno, en sesión realizada o 19 de xullo de 2001, adoptou, entre outros, o seguinte acordo:
«Primeiro.-Aprobar inicialmente o estudio de detalle presentado por Loufre Inversións, S.L., para a ordenación de volumes, no POL F12.02, lugar de Someso II.
Segundo.-Proceder á exposición pública do documento, anunciándose así no DOG e nos xornais de maior circulación na provincia, para que no prazo dun mes poidan os interesados presenta-las alegacións oportunas.
Terceiro.-Estima-lo escrito presentado por Loufre Inversións, S.L., o día 10 de xullo de 2001, documento nº 76885, polo que renuncia á tramitación do PERI no ámbito do POL F12.02, declarando concluso o procedemento e o arquivo das actuacións.
Cuarto.-Notificar ó promotor e a Manuela Canosa Pardo».
O que se fai público para xeral coñecemento, co fin de que á vista do expediente se poidan formula-las alegacións que se consideren pertinentes durante o prazo dun mes contado a partir do día seguinte ó da publicación deste anuncio no Diario Oficial de Galicia. O expediente pode consultarse no Ser
vicio de Urbanismo, oficina de Planeamento, sito na avenida da Mariña, número 18, en horario laboral de 11 a 13 horas, de luns a venres.
Os gastos desta publicación satisfaranse polo seu promotor.
A Coruña, 26 de xullo de 2001.
Salvador Fernández Moreda
Concelleiro delegado de Urbanismo