De conformidade co disposto no artigo 111 do Regulamento de xestión urbanística (Real decreto 3288/1978, do 25 de agosto) en relación co 102 da Lei 1/1997, do 24 de marzo, do solo de Galicia, faise público que o Concello Pleno, en sesión realizada con data 19 de xullo de 2001, aprobou definitivamente o proxecto de delimitación do polígono e reparcelación comprendido entre as rúas nº 9, nº 10, a avenida de Barraña e o SAPU 1B.
Contra este acordo, que é definitivo na vía administrativa, poderán os interesados interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde o día seguinte ó da publicación deste anuncio no DOG, sen prexuízo de que poidan interpoñer recurso potestativo de reposición ante o órgano que dictou este acordo.
Boiro, 20 de xullo de 2001.
Jesús Alonso
Alcalde