Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: substitución C.T. Baterías.
Situación: A Coruña.
Descricións técnicas: nova ubicación de C.T. Baterías, a instalar lado futura subestación 220/15 kV Puerto, semienterrado e cos seguintes elementos: transformador de 800 kVA e tensións de 15/0,380-0,220 kV, con 6 celas de liña e 2 de protección en SF6, con interconexión mediante conductor R.H.V. 12/20 kV de 3 (1x240) mm Al a liñas existentes que alimentan CC.TT. de inmediacións e saídas en baixa tensión, con conductor R.V., que alimentan iluminación pública en inmediacións. A Coruña.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente ó seu dereito.
A Coruña, 13 de xuño de 2001.
Jesús Espada Martínez
Delegado provincial da Coruña