Pola Orde do 26 de febreiro de 2001 (DOG nº 51, do 13 de marzo) convocáronse subvencións a universidades galegas para a organización de congresos, simposios e xornadas que favorezan a proxección universitaria, tanto no ámbito local como no nacional e internacional.

Na súa virtude, de acordo co establecido nas bases da convocatoria, e atendendo ó informe-proposta elevado pola comisión avaliadora a través da Dirección Xeral de Universidades, esta consellería

RESOLVE:

Primeiro.-Concederlles axudas ás persoas que se relacionan a continuación para a realización dos eventos e na contía que se indica en cada caso.

Segundo.-Denegárlle-la axuda ás persoas que a continuación se relacionan para a realización dos eventes que solicitan no seu día e polas cuasas que se recollen:

Causas de exclusión -non se presentou algún dos seguintes documentos-:

1. NIF da universidade.

2. Memoria explicativa do programa de actividades que se pretenden realizar, indicando o ámbito territorial e social destas, e na que conste a relación prevista de conferenciantes invitados.

3. Orzamento de ingresos e gastos da actividade con expresión das axudas solicitadas ou concedidas por parte doutros organismos públicos ou privados.

4. Circular ou circulares do congreso.

5. Documento facilitado pola entidade bancaria na que conste o código de conta cliente comprensivo dos códigos que identifican o banco, a oficina, o díxito de control e o número de conta.

6. Solicitudes fóra de prazo.

7. Actividades fóra de prazo.

8. Non cumprir co obxecto ou destino das axudas.

Terceiro.-Non publicar lista de reserva por non haber máis solicitantes que cumpran cos requisitos para optar a unha bolsa.

Cuarto.-Os pagamentos faranse de acordo co establecido nas bases da convocatoria.

Quinto.-O incumprimento por parte dos beneficiarios de calquera das bases establecidas na orde da convocatoria do 26 de febreiro suporá a perda do dereito a percibi-la subvención correspondente.

Sexto.-Contra esta resolución que esgota a vía administrativa, os interesados poderán interpoñer recurso potestativo de reposición ante o conselleiro de Educación e Ordenación Universitaria no prazo dun mes a partir do día seguinte ó da publicación da resolución no DOG, segundo o disposto nos artigos 116 e 117 da Lei 4/1999 (BOE nº 12, do 14 de xaneiro) de modificación da Lei 30/1992, de réxime xurídico das administracións públicas e do procedemento administrativo común, ou ben directamente recurso contencioso-administrativo no prazo de dous meses perante o Tribunal Superior de Xustiza de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 17 de xullo de 2001.

Celso Currás Fernández

Conselleiro de Educación e Ordenación Universitaria