Por resolución do conselleiro da Presidencia e Administración Pública do 11 de setembro de 1998, publicouse o acordo do Consello da Xunta de Galicia, do 10 de setembro, polo que se aproba a relación de postos de traballo dos servicios comúns do novo edificio administrativo da Xunta de Galicia en Lugo.

O incremento da carga de traballo, no referente a rexistro e compulsas, a consecuencia da entrada en vigor da Lei estatal 4/1999, do 13 de xaneiro, de modificación da Lei 30/1992, do réxime xurídico das administracións públicas e do procedemento administrativo común, fai necesario modifica-la relación de postos de traballo da Delegación Provincial de Lugo da Consellería da Presidencia e Administración Pública, incorporando postos de auxiliar administrativo das delegacións doutras consellerías en Lugo, que figuran no anexo II, para así poder dar resposta ó aumento na carga de traballo.

En consecuencia, por proposta do conselleiro da Presidencia e Administración Pública, consultadas

as organizacións sindicais presentes na Mesa Xeral de Negociación da Comunidade Autónoma de Galicia e a Comisión de Persoal, o Consello da Xunta de Galicia na súa reunión do día vinteseis de xullo de dous mil un, adoptou o seguinte

ACORDO:

Primeiro.-Modifica-la vixente relación de postos de traballo da Consellería da Presidencia e Administración Pública, nos termos que se sinalan nos anexos ó presente acordo.

Segundo.-Ordena-la súa publicación no Diario Oficial de Galicia para efectos da súa entrada en vigor a partir do día seguinte a ela.

Terceiro.-As relacións de postos de traballo das consellerías que figuran no anexo II, quedan modificadas nos termos deste.

Visto o acordo adoptado polo Consello da Xunta de Galicia na súa reunión do vinteseis de xullo de dous mil un, relativo á modificación da relación de postos de traballo da Consellería da Presidencia e Administración Pública, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.

Santiago de Compostela, 27 de xullo de 2001.

Jaime Pita Varela

Conselleiro da Presidencia

e Administración Pública

ANEXO II

Postos que cambian de código e/ou denominación: